ქედის მუნიციპალიტეტის ცენტრში ხუთსართულიანი კორპუსის სხვენში ხანძარი გაჩნდა. საგანგებო სიტუაციების მართვის სამსახურის ცნობით, საცხოვრებელი კორპუსიდან მოქალაქეების ევაკუირება გახდა საჭირო.
მათივე ინფორმაციით, ადგილზე მაშველი-მეხანძრეები არიან მობილიზებული და ხანძრის ლოკალიზება მიმდინარეობს.
ადგილობრივების ინფორმაციით, შემთხვევის შედეგად არავინ დაშავებულა. რამ გამოიწვია ხანძარი, უცნობია.