“ინსტაგრამის” და “ფეისბუქის” გათიშვის შესახებ თავიანთი აზრის გამოსათქმელად სოციალური ქსელების მომხმარებლებმა ყოფილ Twitter-ს, ანუ ამჟამინდელ X-ს მიაკითხეს. ალბათ გასაკვირი არ იქნება თუ ვიტყვით, რომ მათ შორის ილონ მასკიცაა.
მასკი და კიდევ ათასობით სხვა ადამიანი X-ზე პოპულარული პლატფორმების მწყობრიდან გამოსვლის შესახებ სასაცილო ფოტოებსა და პოსტებს აზიარებენ. X-ის დირექტორმა ილონ მასკმა რამდენიმე წუთის წინ ფოტო გააზიარა, რომელზეც 4 პინგვინია გამოსახული. თითოეული მათგანი Meta-სა და X-ის კომპანიების ლოგოებითაა მონიშნული, რითიც ბიზნესმენმა თავისი პლატფორმის უკეთესობაზე მიანიშნა.
მოგვიანებით, მასკმა ჭრილობაზე მარილის მოყრა გადაწყვიტა და Meta-ს კიდევ ერთი პოსტი მიუძღვნა: “თუ ამ პოსტს ხედავთ, ე.ი. ჩვენი სერვერები ისევ მუშაობს”.