“გილოცავ დაბადების დღეს, საყვარელო” – ამ სიტყვებით მიულოცა დაბადების დღე ქართველ სპორტსმენს, საქართველოს ეროვნული ნაკრების ახალგაზრდა წევრს რატი ანდრონიკაშვილს ნუცა უგულავამ.
საზოგადოებისთვის წყვილის “ლავ სთორის” შესახებ ნუცას “ინსტაგრამის” გვერდიდან გახდა ცნობილი. მილიონერ თემურ უგულავას ქალიშვილმა სოციალურ ქსელში რატის რამდენიმე ფოტო გამოაქვეყნა, მათ შორის ერთად გადაღებული.
ვინ არის რატი ანდრონიკაშვილი…
რატის ქართული კალათბურთის ხვიჩა კვარაცხელიას უწოდებენ. სპორტსმენი 2020 წლიდან აშშ-ში სტუდენტური ლიგის “კრეიტონში“ თამაშობს, თუმცა კლუბში გადასვლიდან ძალიან მალე მძიმე ტრავმა მიიღო, რის გამოც, მისი დებიუტი ხანგრძლივი ხნით გადაიდო და თამაშს 2021 წლის ნოემბერში დაუბრუნდა.
სპორტსმენი 2001 წლის 19 მარტს, თბილისში დაიბადა. დაამთავრა 35-ე საჯარო სკოლა. სიმაღლეში 1.93 სმ და წონით 84 კგ. ანდრონიკაშვილი საქართველოს კალათბურთის ნაკრების წევრია. წარსულში, როგორც საქართველოს 18-წლამდელთა ნაკრების, ასევე 16-წლამდელ კალათბურთელთა ნაკრების წევრი გახლდათ.
რატი ამჟამად შტატებში ცხოვრობს.
უფრო მეტი ნუცა უგულავაზე…
ნუცა უგულავა მილიონერ ბიზნესმენ თემურ უგულავას ქალიშვილია, რომელიც პირველი ქორწინებიდან თეო ფერაძესთან შეეძინა. გოგონა 2016 წელს სკოლის დამთავრების შემდეგ ამერიკაში გაემგზავრა და წლებია იქ ცხოვრობს.
მას არ უყვარს საჯაროობა და არასოდეს უსაუბრია მედიაში პოპულარულ მამაზე. უყვარს დახურული წვეულებები და ამბობენ, რომ მეგობრების წრეში პრივატ-ფართებს თავადაც ხშირად აწყობს. ნუცა დაკავებულია სათხილამურო სპორტით და გატაცებულია იოგით. ფიზიკურად ძალიან ჰგავს დედას.
წყვილის პირადი ცხოვრების შესახებ
ორი წლის წინ, როდესაც რატი ანდრონიკაშვილმა ქართულ კალათბურთში გაიბრწყინა, ცნობილი გახდა, რომ ახალგაზრდა სპორტსმენის შეყვარებული ფეხბურთელ მურთაზ შელიასა და მოდელ ლიკა კვარაცხელიას უმცროსი ქალიშვილი ელენე შელია გახლდათ.
ისინი ხშირად აქვეყნებდნენ საერთო ფოტოებს და შეყვარებული ქალი ყოველთვის ესწრებოდა საყვარელი ადამიანის მატჩებს. როგორც ჩანს, წყვილი დაშორდა, სოციალური ქსელის პირად გვერდებზე მათი საერთო ფოტოები აღარ იძებნება.
რახ შეეხება ნუცა უგულავას, სამი წლის წინ ვწერდით, რომ მისი რჩეული “ვისოლის” ერთ-ერთი დამფუძნებლის ლევან ფხაკაძის შვილი, ვასკა ფხაკაძე გახლდათ.
თუმცა როგორც წყარომ დაგვიდასტურა, ამჟამად ნუცა და რატი შეყვარებულები არიან.
წაიკითხეთ ასევე:
